Жалал-Абад облусундагы балдар үйүндө тарбияланган 50дөй бала Ысык-Көлдө эс алды

Жалал-Абад облустук ички иштер башкармалыгынын демилгеси менен облус райондорундагы түрдүү социалдык абалдагы балдар үйүнөн алынган 50дөй бала "Менин мекеним - Кыргызстан" долбоорунун алкагында Ысык-Көлдө 5 күн эс алды. Бул аракет өспүрүмдөрдүн мекен таанымын жогорулатуу үчүн жасалып жатканын 6-июлда Жалал-Абад ОИИБинин басма сөз кызматы билдирди.

Алар менен кошо коопсуздук көзөмөлүн, уюштуруучулук жагын камсыздоо үчүн милиция, билим берүү, медицина жана Социалдык коргоо бөлүмүнүн кызматкерлери коштоп жүрүштү. Алар алгач Бишкектеги Ч.Айтматов атындагы Кыргыз-Түрк лицейинин жатаканасында эс алышып, эртеси Ысык-Көлдүн жээгинде жайгашкан ИИМдин алдындагы "Дзержинск" лагеринде болушту. Эс алууга чыккан өспүрүмдөр Бишкек шаарындагы жана Ысык-Көл облусундагы музейлерди кыдырышып, эс алуу жайларында болушту.