Чүй облусунда курулуш материалдары жүктөлгөн унаа 2 жашар баланы тебелеп кетти

Чүй облусунда курулуш материалдары жүктөлгөн унаа 2 жашар баланы тебелеп кетти. Бул тууралуу бүгүн, 6-июлда Чүй ОИИББинин басма сөз кызматынан билдиришти.

Белгилүү болгондой, 4-июлда милицияга Бишкектин №3-балдар ооруканасына оор абалда Өскөн-Ордо жаңы конушунун жашоочусу, 2 жашар бала жеткирилип, андан соң өзүнө келбей каза болгону тууралуу маалымат келип түшкөн.

Дарыгерлер 2013-жылы төрөлгөн А.А. аттуу наристеге “ички органдары жарылып, шок болгон” деген диагноз коюлганын билдиришкен.  

Каза болгон баланын апасы 25 жаштагы С.А. аттуу жаран курулуш материалдары жүктөлгөн Хундай Портер унаасы менен короого кирип келе жатканда жаш баланы байкабай тебелеп кеткенин айткан. Учурда аталган окуя боюнча иликтөө иштери жүрүүдө.