Мамлекеттик мүлктү башкаруудан жарым жылда бюджетке 2 миллиард сомдой киреше түшкөнү айтылды

Мамлекеттик мүлктү башкаруудан жарым жылда республикалык бюджетке 1 миллиард 992 миллион 100 миң сом киреше түштү. Бул тууралуу бүгүн, 6-июлда Мамлекеттик мүлктү башкаруу фондунан билдиришти. План боюнча 6 айда 2 миллиард 220 миллион 700 миң чогулушу керек болсо, топтолгон сумма пландын 86,5 пайызга аткарылганын көрсөткөн.  

Дивиденддердин эсебинен 1 миллиард 522 миллион 900 миң сом;

Мамлекеттик мүлктү ижарага берүүдөн 25,4 миллион сом;

Мамлекеттик мекемелердин кирешелеринен 163 миллион 500 миң сом; 

Менчиктештирүүдөн 210 миллион сом;

Башкалардан 200 миң сом киреше түшкөнү айтылды.