Бишкек-Торугарт жолунда автокырсыктан 19 жаштагы эки кыз каза болуп, дагы 3 адам жабыркады

Бишкек-Торугарт жолунда автокырсыктан 19 жаштагы эки кыз каза болуп, дагы 3 адам жабыркады. Бул тууралуу бүгүн, 8-июлда Чүй облусунун Ички иштер башкы башкармалыгынын басма сөз кызматынан билдиришти.

Маалым болгондой, 7-июль күнү саат 22:30 чамасында 1996-жылы туулган И.А. аттуу айдоочу кыз Хонда Одиссей унаасы менен батыштан чыгышты көздөй баратып рулду башкара албай калып оодарылып кеткен.

Анын кесепетинен Бишкектин тургундары: Т.Ч. жана А.Б. аттуу 1996-жылы туулган кыздар ошол жерден каза болушкан. Ал эми айдоочу жана 1996-жылкы К.А. жана К.Ж. аттуу жүргүнчүлөр оор жаракат алып, жакынкы ооруканага жеткирилишкен. Учурда жогорудагы окуя боюнча иликтөө иштери жүрүп, экспертиза дайындалды.