Талас облусунун тургуну: "Жер-Үй" кенин орусиялык компания цианид менен иштетсе, аймагыбыз мөңгүсү жок калат"

"Жер-Үй" кенин орусиялык компания цианид менен иштетсе, аймагыбыз мөңгүсү жок калат". Мындай пикирин бүгүн, 8-июлда маалымат жыйын учурунда Талас облусунун тургуну Төрөхан Жунусбеков билдирди.

Анын айтымында, Талас облусунун мөңгүлөрү жок болуу коркунучунда турат. “Анткени кенди иштетүү лицензиясын 100 миллион долларга сатып алган орусиялык компания буга чейин кен иштетип келбегендиги, жөн гана изилдеп жүргөндүгү билинди. Бул компаниянын кен иштүүгө өзүнүн каражаты да жок экен, алар акчаны Орусиянын өкмөтүнөн алышат экен.  

Талас облусунун эли "Жер-Үй" кенин иштетүүгө каршы. Кыргыздардын байлыгы алтын менен күмүш же газ менен нефть эмес, биздин байлык бийик тоолорубузда жаткан мөңгүлөр. Аларды бүгүн кендерди иштетебиз деп жок кылсак, Талас облусу таза суусуз калат”,- дейт активист.