Быйыл Бишкектеги борбордук мечиттин ордуна 7 миңден ашуун адам бата турган мечит курулат

7-июлда Кыргыз Республикасынын муфтиятынын башчысы Максатбек ажы Токтомушев "Ихсан хойрия" кайрымдуулук фондунун төрагасы Магаметов Муса шейх менен жолугушту. 

Муфтияттан билдиришкендей, тараптар жолугушуунун жүрүшүндө Бишкек шаарынын борбордук мечитинин ордуна жаңы мечит жана шаардык казыят куруу жаатында эки тараптуу пикир алышты. Сүйлөшүү учурунда мечиттин курулушу толугу менен "Ихсан хойрия" кайрымдуулук фонду тарабынан каржыланарын фонддун төрагасы Магаметов Муса шейх айтып өттү. Аталган жаңы долбоордун алкагындагы эки тараптуу сүйлөшүүлөрдүн жыйынтыгында 2015-жылы борбордук мечиттин ордуна жаңы мечиттин курулары белгилүү болуп, курулуш келишимине эки тараптуу кол коюлду.

Жаңы салына турган борбордук мечитке 7000ден ашуун киши батып, 2 кабаттуу жана 40 метрден жогору 2 мунаралуу болмокчу. Мечиттин 1-кабатынын бийиктиги 7 метр болуп, автомашина коюлуучу жайы дагы ыңгайлаштырылган.