Ошто 2 адамдан террордук чакырыктар камтылган видеолор бар флешкалар алынды

Ош шаардык ички иштер башкармалыгынын 10-бөлүмүнүн кызматкерлери тарабынан 2 адамдан террордук чакырыктар камтылган видеолор бар флешкалар алынды. Бул тууралуу 8-июлда Ош ОИИБинин басма сөз кызматы билдирди.

Маалыматка караганда, Өзбекстан Республикасынын Андижан айылынын тургуну, 1987-жылы туулган Ж.И. текшерилген учурда анын кол телефонунун сыйымдуулугу 2 гигабайт болгон флеш-картасында террордук актыларга чакырык жасаган бир топ видеотүрмөктөр бар экендиги аныкталган.

Ушундай эле мазмундагы жалпы сыйымдуулугу 8 гигабайт болгон видеоматериалдар Ош шаарынын 20 жаштагы тургунунун да кол телефонунда бар экендиги аныкталган. Учурда бул видеоматериалдарды алардын кандай максатта алып жүргөндүктөрү иликтенүүдө. Алынган материалдар атайын экспертизага берилди.