Былтыр тышкы соода жүгүртүү 7618 миллион долларды түздү

Былтыр тышкы соода жүгүртүү 7618 миллион долларды түздү. Бул тууралуу бүгүн, 9-июлда маалымат жыйында КРнын Улуттук статистика комитетинин тышкы экономикалык ишмердик статистикасынын башкы адиси Гүлайым Шаяхметова билдирди. Анын айтымында, бул көрсөткүч мурунку жылга салыштырганда 4,7 пайызга төмөндөгөн.

“2014-жылы республиканын тышкы соодасында мурунку жылдагыдай эле товарлардын импорту алардын экспортун 3 эсеге ашып түшкөн. Натыйжада соода теңдеменин дефицити 2013-жылдын деңгээлине карата 3,2 пайыз төмөндөп, 3851 миллион АКШ долларын түздү.

Бажы биримдигине мүчө өлкөлөрдүн үлүшүнө республиканын тышкы соода жүгүртүүсүндө 40 пайызга жакыны туура келди”,- дейт Шаяхметова.