Футбол боюнча улуттук курама Эл аралык футбол федерациясынын рейтингинде 20 орун алдыга жылып, 157-орунду ээледи

Футбол боюнча улуттук курамабыз Эл аралык футбол федерациясынын (ФИФА) рейтингинде 20 орун алдыга жылып, 157-орунду ээледи. Рейтинг акыркы жолу бүгүн, 9-июлда жаңыланды. Бул тууралуу аталган уюмдун расмий сайты кабарлайт.

Маалыматка ылайык, өткөн айда Кыргыз Республикасынын улуттук курамасы бул рейтингде 209 кураманын ичинен 177-орунду ээлеген. 1 ай ичинде 2 оюн өткөргөн футболчуларыбыз Бангладешти конокто утуп (1:3), Бишкекте Австралияга утулуп (2:1) калышты. Улуттук кураманын карамагында 160 упай бар.

Дүйнөлүк рейтингдин алдынкы сабында да өзгөрүү болду. Дүйнө чемпиону Германия 1 жылга жакын убакыттан кийин 2-орунду ээлеп калды. Алдынкы сапка Америка Кубогунун финалында утулган Аргентина курамасы чыкты. Алдынкы ондукка Аргентина, Германия, Бельгия, Колумбия, Голландия, Бразилия, Португалия, Румыния, Англия, Уэльс сыяктуу курамалар кирди.