Кыргыз жергесинде карантиндик өсүмдүктөрдүн 7 оорусу бар

Кыргыз жергесинде карантиндик өсүмдүктөрдүн 7 оорусу бар. Бул тууралуу бүгүн, 10-июлда журналисттерге КРнын Айыл чарба жана мелиорация министрлигинин Химиялаштыруу жана өсүмдүктөрдү коргоо департаментинин директорунун орун басары Амангелди Исаев билдирди. Анын айтымында, өсүмдүктөргө зыян келтирген курт-кумурскалардын арасында эң көп кездешүүчүлөрү америкалык ак көпөлөк жана картошка курту (нематода) эсептелет.

“Биздин өлкө курт-кумурскалардан көп деле жапа чекпейт. Мисалы, кыргыз жергесинде карантиндик өсүмдүктөрдүн 7 оорусу бар болсо, Казакстанда 16, Кытайда 60тан ашык. Европада өтө көп болгондуктан, зыянкечтерден миллиарддаган чыгымдар келтирилет.

Ал эми бизде, маселен, быйыл Чүйдө 140 гектар жерде америкалык ак көпөлөк катталды. Ал
бак-дарактардын бардык түрүн оорутат. Ал жерге биз 2 миң доллардын тегерегиндеги суммага химиялык заттарды чачтык”,- деди Исаев.