Араванда депутатка берилип жаткан 150 гектар жер маселеси боюнча райондук прокуратура 3-4 күндө жооп кайтармай болду

Буга чейин окурманыбыз Whatsapp аркылуу SUPER.KG порталына байланышка чыгып, Араван районуна караштуу Гүлбаар айыл өкмөтүнүн Керме-Тоо айылында 150 гектар жер Жогорку Кеңештин депутаты Азамат Арапбаевге берилип жатканын айткан. Окурман анда бул жер элге тиешелүү экенин, жер менчикке чыкса, элге кыйын болорун билдирген. Окурманга байланышканыбызда ал чогулган эл менен райондук прокуратуранын, акимиаттын өкүлдөрү келип жолукканын айтты. "Эл менен кеңешпей туруп жерди эмнеге сатып жатышканын сурап, так жооп ала алган жокпуз. Прокуратура өкүлдөрү 3-4 күндө жыйынтык чыгарып, элге билдирерин айтышты. Негизи, бул маселени айылдык кеңештин депутаттары да билген эмес, талкууга койгон эмес болуп чыкты",- дейт окурман.