Кыргыз жеринин бермети болгон Ысык-Көлдө сезон кызыды (фоторепортаж)

Ысык-Көл кыргыздын кереметтүү, ажайып кооз жерлеринин бири болуп саналат. Тоолор менен курчалган, абасы таза Ысык-Көлдү даңазалап акындар ыр жаратышса, жазуучулар тамшандырган көлөмдүү чыгармаларды жазып келишти.
Акын-жазуучуларга эргүү тартуулаган көлдү бүгүнкү күндө туризмдин борбору деп атоого болот. Табиятынын кооздугуна, суусунун тунуктугуна суктанып келген чет өлкөлүктөрдүн саны арбын. Өткөн жылы жүргүзүлгөн сурамжылоодо Ысык-Көлдүн орусиялык туристтердин тандоосу боюнча СССР учурундагы курорттордун арасында алдынкы орунда тургандыгы да бекеринен эместир.
Учурда эс алууга келгендердин көптүгү, балык сатып жүргөндөр, кумдуу жээкте ойноп жаткан балдар көлгө түшүү маалы кызып, быйылкы туристтик сезондун жанданганынан кабар берет.