Жаңы конуштардын жашоочулары үйлөрүн мыйзамдаштырып берүүнү өкмөттөн талап кылышууда

Жаңы конуштардын жашоочулары үйлөрүн мыйзамдаштырып берүүнү өкмөттөн талап кылышууда. Бул тууралуу бүгүн, 14-июлда маалымат жыйындын жүрүшүндө белгилүү болду. Жыйынга катышкан Үй куруучулар союзунун төрагасы Шабдрай Зергердин айтымында, алар “Ата Мекен” партиясы менен бирге келишим түзүшкөн. 

“1,5 жылдан бери “басып алынган” жерлерди мыйзамдаштыруу боюнча иштерди алып барып жатабыз. 2005-2010-жылдардагы революциялардан кийин Бишкектин тегерек-четиндеги жерлер басылып алынган делет. Бирок андай эмес, учурунда аталган аянттар мэрия тарабынан берилген, бир гана мамлекеттик актыга келгенде маселе токтоп калган. Учурда жаңы конуштардын тургундары жумушсуздук, анын кесепетинде жакырчылыкта жашоодо. Өмүрбек Текебаев буга байланыштуу мыйзам долбоорун иштеп чыккан. Тилекке каршы, ал азыр өтө элек, шайлоодон кийин кайра өткөрүүгө аракет кылынат деп ишенебиз”,- деди Шабдрай Зергер.