Бишкекте кырсыктуу жагдайларда калктын өзгөчө топторунун коопсуздугун камсыз кылуу боюнча сөз болууда

Бишкекте “Калктын алсыз топтору өзгөчө кырдаалда” аттуу тегерек стол өтүүдө. Ал Бириккен Улуттар Уюмунун Калк жаатындагы фонду, КРнын Өкмөтү жана “Демократиялык процесстерди изилдөө борбору” коомдук фонду тарабынан уюштурулууда.

Тегерек столдун негизги максаты – мамлекеттик органдардын жана жергиликтүү өз алдынча башкаруу органдарынын өкүлдөрүнүн кооптуу жана кырсыктуу жагдайларда калктын өзгөчө топторунун коопсуздугун камсыз кылуусун талдоо, ошондой эле кооптуу жана кырсыктуу кырдаал пайда болгондо аялдардын жана кыздардын өзгөчө муктаждыктары менен коопсуздугуна байланыштуу маселелерди улуттук жана ведомстволук актыларга киргизүү керектиги туурасында маалымдоо.