Кыргыз мамлекети менен Ислам өнүктүрүү банкынын ортосундагы кредиттик макулдашуу ратификацияланды

Президент Алмазбек Атамбаев "Кыргыз Республикасынын Өкмөтү менен Ислам өнүктүрүү банкынын ортосундагы “Кыргыз Республикасында айылдарды туруктуу өнүктүрүү” долбоорун каржылоо жөнүндө кредиттик макулдашууну ратификациялоо тууралуу” мыйзамга кол койду.

Документ Жогорку Кеңеш тарабынан 2015-жылдын 17-июнунда кабыл алынган.

Мыйзамга ылайык, Тышкы иштер министрлигине көрсөтүлгөн кредиттик макулдашуунун күчүнө кириши үчүн зарыл болгон мамлекеттик ички жол-жоболор Кыргыз Республикасы тарабынан аткарылганы жөнүндө Ислам өнүктүрүү банкына белгиленген тартипте кабарлоо милдети тапшырылды

Мыйзам расмий жарыяланган күндөн 10 күн өткөндөн кийин күчүнө кирет.