Прокуратура тармагындагы документ алмашууларды электрондук түргө өткөрүү мүмкүнчүлүгүн изилдөө үчүн Бишкекке түркиялык эксперттер келишти

Кыргызстандагы прокуратура органдарынын ишин электрондук документтештирүү мүмкүнчүлүктөрүн изилдөө үчүн 26-февралда Бишкекке Түркиядан эксперттик топ келди. Бул тууралуу Башкы прокуратуранын басма сөз кызматы билдирди. Айта кетсек, бул маселе башкы прокурор Аида Салянованын 2012-жылдын декабрь айында аталган өлкөгө болгон расмий иш сапары учурунда көтөрүлгөн болчу. Өлкөдө прокуратура мекемелери документтерди электрондук түрдө алмашуу ыкмасына өтсө, маалыматтын ыкчамдыгы боюнча прокуратура кызматкерлерине бир кыйла жеңилдиктер түзүлө тургандыгын билдирүүдө Башкы прокуратура.