Москвадагы Айт намазга 200 миңден ашуун адам катышты (фото)

Бүгүн, 17-июлда Орусиянын борбору Москва шаарында Орозо айт намазы окулду. Намаз окуу үчүн шаардагы негизги аянттарга жана мечиттерге 200 миңден ашуун мусулман чогулду. Орусиялык жалпыга маалымдоо каражаттарынын маалыматына таянсак, намаз жергиликтүү убакыт менен саат 09:00дө башталып, саат 11ге чейин окулуп бүттү. Мусулмандардын көпчүлүк бөлүгү "Тынчтык проспекти" станциясындагы аянтка келишти. Аларды жалпы 3 миңдей полиция кызматкери жерден жана тик учак менен абадан көзөмөлгө алып турду.