Депутат Өмүрбек Текебаев кылмыштуулукту азайтуунун дагы бир жолун атады

Депутат Өмүрбек Текебаев жаңы мыйзам долбоорун даярдап жатканын маалымдады. Ал мыйзамга ылайык, өлкөдөгү кафе, ресторан, акча алмаштыруучу жайлардын кожоюндары милдеттүү түрдө өз имараттарына видеокамераларды орнотууга мажбур болот. "Бул мыйзамга ылайык, кафе, ресторан сыяктуу элге кызмат көрсөткөн бир катар жайларга милдеттүү түрдө видеокамералар орнотулат. Мындай жол менен кылмыштуулукту 2-3 эсеге кыскартсак болот. Бул видеокамераларды укук коргоо органдары көзөмөлдөп, көптөгөн кылмыштардын бетин ачууга жол ачылат",- деди эл өкүлү.