“Азия Микс” командасы Александр Масляковдун КВН мелдешинин Жогорку Лигасында чейрек финалга өттү

26-февралда Москва шаарында кыргызстандык “Азия Микс” КВН командасы Александр Масляковдун КВН мелдешинин Жогорку Лигасында чейрек финалга өттү. Бул тууралуу аталган фестивалдын расмий сайты кабарлады. Маалым болгондой, сынак 3 турда өткөн: саламдашуу, триатлон жана музыкалык үй тапшырма. Мындан бишкектик команда музыкалык сынакты эң жакшы деңгээлде аткарышканы айтылууда. Айта кетсек, чейрек финалга "Пятигорск курама командасы" 11,3, "Физтехтин курама командасы" 11,1, "Азия Микс" 10,7 жана "Кефир" командасы 10,7 упай менен өттү.