Заманбап смартфонго ээ болуу үчүн "ЭЛДИК КАБАРга" кандай маалыматтарды жөнөтүү керек?

Жаңылыкты эл менен бөлүшүп, утушка ээ бол!

Сузак районундагы мектеп окуучусу Чынберди Жанышов, Оштогу үй кожойкеси Сабира Казамбекова жана Орусиядагы мекендешибиз Алина Мустапакул кызы, Ак-Талаадан Байысбек Жеңишбек уулу, Бишкек шаарынын тургуну Толгонай Таалайбек кызы "ЭЛДИК КАБАРга" кабар жөнөтүп, жеңүүчү болом деп ойлошкон эмес. Алар "ЭЛДИК КАБАР" аркылуу маалыматты гана бөлүшүп, заманбап смартфонго ээ болушту. Актуалдуу окуяларды сүрөткө тартып, уюлдук телефонго ээ болуу - бул реалдуу. Келерки айдын жеңүүчүсү сиз болушуңуз мүмкүн, андыктан маалыматыңыз болсо ыкчам жөнөтүп, заманбап телефон утууга чамдаңыз.

Окурмандар "ЭЛДИК КАБАРга" кандай маалыматтарды жөнөтө алышат?

Турмуштагы өзгөчө көрүнүштөрдү, коомчулукта талкуу жарата алган адамдардын жашоосун же табият кубулуштарын, концерттер, айтыштар, спорттук иш-чаралар болобу, жол кырсыктары, жаратылыш кырсыктарынын кесепеттери, митинг же акцияларга өздөрү күбө болушса, сүрөткө же видеого тартып жөнөтө алышат.

Качан жана кантип жөнөтүү керек?

Маалымат окуя болгон күнү жөнөтүлсө, актуалдуулугун жоготпой, башка жарандардын да өз убагында кызыктуу жаңылык менен кабардар болушуна өбөлгө түзөт. Viber же WhatsApp аркылуу +996 557 47-39-39 номерине жиберип жатып сүрөт же видео тууралуу кыскача баяндап берүүнү унутпаңыз. Баяндоодо "Ким? Эмне? Качан? Кайда? Кантип?" деген суроолорго жооп жазыңыз.

Кандай кабарлар жарыяланбайт?

Окурмандардын далилсиз пикири, акыркы коомдук-саясий окуялар боюнча жеке көз карашы, бирөөнү шылдыңдаган, такталбаган маалыматтар жарыяланбайт. Эгерде бир окуя боюнча 5 адам сүрөт же видео жиберсе, биринчилерден болуп жөнөткөн окурмандын кабары "ЭЛДИК КАБАРга" чыгат.

Урматтуу окурман! "Элдик кабарга" маалымат берүү менен далил катары коомдогу окуяларды сүрөт же видео аркылуу жиберип, мамлекет жетекчилерине үнүңүздү жеткире аласыз. Ал эми "Соңку кабар" бөлүмүнүн кабарчылары окуя боюнча тийиштүү мекемелерден комментарий алып беришет.