Тогуз-Торо районунда кырсык учурунда Жарандык коргонуу кызматы тарабынан көрүлүүчү чаралар боюнча машыгуу болуп өттү

Тогуз-Торо районунда комплекстик райондук машыгуу болуп өттү. Бул тууралуу бүгүн, 21-июлда ӨКМнын басма сөз кызматы билдирди.

Маалыматка караганда, 15-июлдан 17-июлга чейин Жалал-Абад облусундагы Тогуз-Торо районунун аймагында сел ташкындары болгон учурда Жарандык коргонуу кызматы тарабынан көрүлүүчү чаралар боюнча машыгуу болуп өттү. Машыгуунун биринчи баскычында Жарандык коргоо кызматтарынын жетектөөчү курамы жана айыл аймактын башчылары тиешелүү мекеме жетекчилери менен өткөрүлө турган комплексттүү машыгуунун максаттары талкууланды. Машыгуунун экинчи баскычында Тогуз-Торо райондук жарандык коргоо кызматтары райондун өтө кооптуу болгон объектилерин учурунда кырсыктан сактоо жана кечиктирилгис иш-аракеттерди аткаруу боюнча практикалык иш-чаралар өттү.