Талас. Талас шаарында милиция кызматкерлеринин ишмердүүлүгүнө арналган жыйын болду

26-февралда Талас шаардык мэриясында милиция кызматкерлеринин, шаардык кеңештин депутаттарынын жана коомдук уюмдардардын мүчөлөрү катышкан жыйын болуп өттү. Бул жыйын “Реформа жана жыйынтык” бирикмесинин демилгеси менен өткөрүлдү. Аталган бирикме ички иштер тармагын реформалоо тууралуу коомчулуктун сунуш-пикирлерин топтоп, кошумча концепция иштеп чыгып, аны ИИМге сунуштоо максатын көздөйт. Жыйындын катышуучулары милиция кызматкерлерин материалдык жактан камсыздоо, алардын ишинин мобилдүүлүгүнө шарт түзүү менен кызматкерлердин этикалык кодексин иштеп чыгуу тууралуу сунуштар айтылды.