Кыргыз мамлекетинде ички дүң продукция 6 айда 7,3 пайызга өстү

2015-жылдын январь-июнунда ички дүң продукциянын реалдуу өсүшү былтыркы жылдын ушул мезгилине салыштырмалуу 7,3 пайызды түздү. Улуттук статистика комитетинин билдиришинче, "Кумтөр" ишканасын эсепке албаганда, ИДПнын өсүшү 4,4 пайыз болду.

Өткөн жылдын январь-июнуна салыштырганда ИДПнын түзүмүндөгү товарларды өндүргөн тармактардын үлүшү 2,7 пайызга жогорулап, 35 пайызга жетти. Ал эми кызмат көрсөтүү тармактарынын үлүшү, тескерисинче, 1,3 пайызга кыскарып, 51,3 пайызды түзгөнү айтылды.