Өкмөт жооп берет: Орусияда иштеген Кыргыз Республикасынын жарандары патент алуудан качан бошотулушат?

Урматтуу колдонуучу, сизде өкмөткө, ага тиешелүү министрликтерге берилүүчү суроолор жана чечилбеген маселелер барбы? Анда «Суперстандагы» «Өкмөт жооп берет» бөлүмүнө суроолоруңузду калтырыңыз. Суроолоруңузга тиешелүү тармактардын адистеринен жооп алып берүүгө даярбыз. 

Суроо: - Орусияда иштеп жаткан Кыргыз Республикасынын жарандары патент алуудан качан бошотулушат?

Жооп: - Кыргыз Республикасынын Евразиялык экономикалык биримдикке кошулуусун камсыздаган келишимди ратификациялоо боюнча мыйзамга Кыргыз Республикасынын Президенти менен эле Орусия Федерациясынын Президенти кол койду. Эми биримдикке башка мүчө мамлекеттердин башчылары (Казакстан, Беларусь жана Армения) кол коюшу керек. Андан соң Евразиялык экономикалык комиссия бизге атайын кат жиберет. Мына ошондон кийин гана Орусиядагы мигранттар патент алуу милдетинен бошотулушат. "Калган мамлекет башчылары келишимди ратификациялоо боюнча мыйзамга бул күнү кол коёт" деп айта албайбыз. Ошентсе да жакынкы күндөрү кол коюшат деген үмүттөбүз.  

Суроого Кыргыз Республикасынын Эмгек, миграция жана жаштар министрлигинин Миграция саясаты башкармалыгынын жетекчиси Каныбек Сартбаев жооп берди.

Эгер сизде да суроолор болсо, анда "Өкмөт жооп берет" бөлүмүнө кириңиз.