Супер-Инфо
super.kg видео
Данияр Нарымбаев камакка алынды
Данияр Нарымбаев
Данияр Нарымбаев
Хаджимурат Коркмазов
Президенттик аппараттын мурунку башчысы Данияр Нарымбаев камакка алынды. Бул тууралуу бүгүн, 22-июлда УКМКдан билдиришти. Экс-чиновник Бишкектин мурунку мэри Нариман Түлеевдин жакындарынан 100 миң доллар пара талап кылуу кылмышына айыпталууда. Нарымбаев бүгүн Башкы прокуратурага суракка чакырылып, депутат Хажимурат Коркмазов менен беттештирилди. Андан кийин УКМКнын убактылуу кармоочу жайына киргизилди.
Нарымбаевге Кылмыш кодексинин “коррупция”, “пара алуу”, “кызмат абалынан кыянаттык менен пайдалануу” беренелери боюнча айып тагылды.
Эскерте кетсек, 15-июлда Жогорку Кеңештин депутаты Хажимурат Коркмазов 100 миң доллар пара менен кармалган. Кылмыш үстүнөн кармалган депутат тергөө учурунда бул ишке Д.Нарымбаевдин катышы бар экенин билдирген. Депутат Коркмазов президенттик аппараттын ошол кездеги жетекчиси Нарымбаев менен сүйлөшүп алып Н.Түлеевдин жакындарынан 200 миң доллар сураганы аныкталган. Бул акча Түлеевге караштуу мүлктөрдүн конфискацияланышын Жогорку Сотто оң тарабына чечип берүү үчүн суралган. Данияр Нарымбаев депутат Коркмазов аркылуу 7-майда Түлеевдин жакындарынан 50 миң доллар алганы да белгилүү болгон. Мындан кийин Нарымбаев "бул ишке тиешем жок" деп билдирүү жасоо менен кызматтан бошотууну суранып президентке кайрылып, президенттин жарлыгы менен 20-июлда кызматтан бошотулду. Депутат Коркмазов учурда СИЗОдо.
Нарымбаевдин бул коррупциялык ишке катыштыгы бардыгын Нариман Түлеевдин кызы Назгүл Түлеева да жарыялады. Экс-мэрдин кызы бул иштин башкы фигуранты Данияр Нарымбаев экенин, Коркмазов ортомчулук кызматты аткарганын айтууда. Мындан тышкары бул чуулгандуу ишке катыштыгы бар делинип Жогорку Соттун төрайымынын орун басары Канатбек Турганбековдун да ысымы аталган. Маалыматтарга ылайык, Турганбеков азырынча суракка чакырыла элек. Башкы прокуратура аталган кылмышка катыштыгы бар делинген бардык адамдар боюнча териштирүү иштери жүрүп жатканын билдирүүдө.
Бишкектин мурдагы мэри Н.Түлеевди эки инстанциядагы сот күнөөлүү деп таап, 11 жылга эркинен ажыраткан. Азыркы тапта кылмыш иши Жогорку Сотто каралууда. Түлеев "2008-жылы мэр болуп турганда Кытайдан автобустарды алып келүү иштеринде мамлекетке ири көлөмдө зыян келтирген” деп айыпталып, 2012-жылдын октябрь айында камакка алынган. 2015-жылдын май айында УКМКнын Коррупцияга каршы кызматы мыйзамсыз жер сатуу кылмышы боюнча Нариман Түлеевге карата дагы бир кылмыш ишин ачкан.
Данияр Нарымбаев: "Түлеевдин кызынан пара сураган эмесмин"
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
10:12
2025-06-25
16:29
2025-06-24
15:38
2025-06-24
Рейтинг: 
0
0
Бир эсептен эн туура болду. Арам акча аш болбойт дейт го. Нарынбаев брат ото аша чаап кеткени корунуп турат. Мени ким кармамак эле, мени ким текшермек эле деп алчы таасын жеп Кудайды тааныбай, Нариман аганын кызын келекелеп 50мин доллар конгуроого эле кетет деп аябай кыйнаганы эми оз башына муш болуптур тооба. Кудай ушундай кылып бат эле тендештирип койо турганын башка жем кор
Ооба сага...ичин отсо да Бакиев куноолуу