Супер-Инфо
super.kg видео
Митингчилер Данияр Нарымбаевдин 2 айга камакка алынуусун, сот отурумунун ачык өтүүсүн талап кылышууда
Бишкекте бүгүн, 23-июлда Башкы прокуратуранын алдында президенттик аппараттын мурунку башчысы Данияр Нарымбаевдин 2 айга камакка алынуусун талап кылган митинг өтүп жатат. Активисттер буга катар Бишкектин мурунку мэри Нариман Түлеевдин кызы Назгүл Түлеева менен президенттик аппараттын мурунку башчысы Данияр Нарымбаевдин жолугушуусуна катышкан ЖКнын депутаты Чыныбай Турсунбековду да камакка алууну талап кылышууда. Активисттер башкы прокурор Индира Жолдубаева менен жолугушууну көздөшүүдө. Ошондой эле сот отуруму массалык маалымат каражаттарынын өкүлдөрүнүн катышуусунда өтүүсүн суранышат. Талаптардын катарында Жогорку Соттун төрайымынын орун басары Канатбек Турганбековду да камакка алуу керектиги айтылат.
Кошумчалай кетсек, президенттик аппараттын мурунку башчысы Данияр Нарымбаев кечээ, 22-июлда УКМКнын убактылуу кармоочу жайына камакка алынды. Нарымбаевге Кылмыш кодексинин “коррупция”, “пара алуу”, “кызмат абалынан кыянаттык менен пайдалануу” беренелери боюнча айып тагылган. Ошол эле күнү Д. Нарымбаев Башкы прокуратурага суракка чакырылып, депутат Хажимурат Коркмазов менен беттештирилди. Анда Коркмазов Бишкектин мурунку мэри Нариман Түлеевдин жакындарынан 100 миң доллар суратканын Нарымбаевдин бетине айтты.
Данияр Нарымбаевдин камакка алынуусун талап кылып митингге чыккан жаштар: "Индира Жолдубаева, элдин алдына чык!"
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
12:35
2025-06-24
10:29
2025-06-24
Рейтинг: 
0
0
Арам акча кандай болорун жон териси менен сезишсин. Карапайым эл 100мин сомду аран табышса, Д.Н.га 100мин доллар кулку келтирерлик экен да.