Айрым мыйзам актыларына толуктоолор жана өзгөртүүлөр киргизилди

Алмазбек Атамбаев “Кыргыз Республикасынын айрым мыйзам актыларына толуктоолорду жана   өзгөртүүлөрдү киргизүү жөнүндө” мыйзамга кол койду. Бул тууралуу 23-июлда президенттин басма сөз кызматы билдирди.

Мыйзам Жогорку Кеңеш тарабынан 2015-жылдын 17-июнунда кабыл алынган. Мыйзамдын максаты  ишмердүүлүгү чектелген коомдордо Директорлор кеңештерин түзүү үчүн укуктук негиз түзүү болуп саналат. Мыйзам расмий жарыяланган күндөн тартып 15 күн өткөндөн кийин күчүнө кирет.