Өкмөт жооп берет: 7 жаштагы уулум Өзбекстандын жараны, ага Кыргыз Республикасынан туулгандыгы тууралуу күбөлүктү кантип алам?

Урматтуу колдонуучу, сизде өкмөткө, ага тиешелүү министрликтерге берилүүчү суроолор жана чечилбеген маселелер барбы? Анда «Суперстандагы» «Өкмөт жооп берет» бөлүмүнө суроолоруңузду калтырыңыз. Суроолоруңузга тиешелүү тармактардын адистеринен жооп алып берүүгө даярбыз. 

Суроо: - Мен Кыргыз Республикасынын жаранымын. 7 жашка толгон балам бар. Ал Өзбекстандын жараны. Ошол балама Кыргыз Республикасынан туулгандыгы тууралуу күбөлүк алайын деген элем. Кандай документтерди топтошум керек? Суроо калтырган Chayan555

Жооп: - Башка өлкөнүн жараны 7 жашка толгон болсо, анда ага Кыргыз Республикасында туулгандыгы тууралуу күбөлүк берилбейт. Эгерде Кыргыз Республикасынын жарандыгын алгысы келсе, баланын атасынын жазуу түрүндө макулдугу керек, анткени мыйзам боюнча 18 жашка толо элек балдардын жарандыгын алмаштырууну атасы чечет. Эгер баланын атасы жана бала Өзбекстанда жашаган этникалык кыргыз болсо, жергиликтүү паспорт бөлүмүнө кайрылышы керек. Ал жактан анкета толтурушат, мындан сырткары апасынын же атасынын паспортунун көчүрмөсү, Өзбекстандын жарандыгынан баш тартуу боюнча арыз, апасынын же атасынын 2 сүрөтү, жашаган жеринен маалым кат болушу зарыл.