Юрист: “Кыргыз Республикасы менен АКШнын ортосундагы базалык келишимди денонсация кылуу эки тараптуу кызматташтыкты жок кылууга барабар”

“Кыргыз Республикасы менен АКШнын ортосундагы базалык келишимди денонсация кылуу эки тараптуу кызматташтыкты жок кылууга барабар”. Юрист Бактыгүл Кубанычбекова мындай пикирин бүгүн, 24-июлда аталган теманы талкуулоого арналган жыйында айтты. Ошондой эле кыргыз өлкөсүнүн мындай кадамы мамлекетке келип жаткан гранттык акчаларды бир топ кыскарта турганын белгиледи. 

“АКШнын ар кандай донордук уюмдары жогорудагы денонсацияга карабай биздин өлкөгө берилип жаткан жардамды токтотушпай тургандарын билдиришти. Бирок ошол эле учурда Американын бийлиги салык төлөмдөрүн пайда кылат. Бул гранттык долбоорлорго бажы төлөмдөрүн киргизет. Ал эми алардын пайыздык көрсөткүчү 32-38 пайыз болушу мүмкүн. Албетте, америкалык салык төлөөчү мындай учурда акчасын кыргыз өлкөсүнө эмес, башка мамлекетке жардам берүүнү туура көрөт”,- деди юрист.