"Бир болдун" жаштар канаты тамекини шоколадга алмаштырууга үндөп акция өткөрдү

24-июлда Ош шаарында «Бир бол» партиясынын жаштар канаты тарабынан «Дени сак шаар» аттуу акция  болуп өттү. Аталган иш-чарага партиянын жаштар канатынын өкүлдөрү, волонтёрлор, шаардын жаш активисттери жана коомчулук өкүлдөрү катышышты.

Учурда дүйнө элдери чылым чегүү менен күрөшүп келишет. Жаман адаттын кесепетинен Жер жүзүндө жылына 500 миңден ашуун адам өмүрү менен кош айтышат. Эң өкүнүчтүүсү, алардын 14 пайызын 30 жаштагы адамдар түзөт. Ал эми Кыргыз Республикасында эркектердин 48 пайызы, аялдардын 25 пайызы тамеки тартса, көрсөткүч жарандардын 28 пайызы тамеки чегеринен кабар берет.

Ден соолукка кам көрүү медицина кызматкерлеринин гана эмес, ар бирибиздин милдетибиз экенин унутпашыбыз керектигин партиянын жаштары шаар тургундарына түшүндүрүштү. Алар чылым чеккендерге тамеки ордуна шоколад сунушташты эле, шаардыктар тамекилерин шоколадга оңой эле алмаштырышты.

Бул иш-чарага күбө болушкан шаар тургундары «Бир бол»партиясынын жаштарына ыраазычылык билдиришип, мындай жөрөлгөлөр көбүрөөк өткөрүлүп, жаштарды, коомчулукту сергек жашоого үндөп туруу керек деген пикирлерин билдиришти.

Кененирээк бул жакта...