"Аскер кызматкерлерин пенсиялык камсыздоо жөнүндө" мыйзамга өзгөртүү киргизилди

Президент Алмазбек Атамбаев "Аскер кызматкерлерин пенсиялык камсыздоо жөнүндө", "Мамлекеттик пенсиялык социалдык камсыздандыруу жөнүндө" КРнын мыйзамдарына өзгөртүү киргизүү тууралуу мыйзамга кол койду. Документ парламент тарабынан 2015-жылдын 29-июнунда кабыл алынган. Мыйзам камсыздандырууга мүнөздүү эмес кошумча акыларды төлөп берүүдө республикалык бюджеттин чыгымын оптимизациялоого багытталган. 

Мыйзам расмий жарыяланган күндөн 10 күн өткөндөн кийин күчүнө кирет.