Өкмөт жооп берет: Орусиядагы кыргыз жарандары Орусиянын "кара тизмесине" канча жылга киргизилгенин кайдан билсе болот?

Урматтуу колдонуучу, сизде өкмөткө, ага тиешелүү министрликтерге берилүүчү суроолор жана чечилбеген маселелер барбы? Анда "Суперстандагы" "Өкмөт жооп берет" бөлүмүнө суроолоруңузду калтырыңыз. Суроолоруңузга тиешелүү тармактардын адистеринен жооп алып берүүгө даярбыз. 

Суроо: - Орусияда иштеген Кыргыз Республикасынын жарандары Орусиянын "кара тизмесине" канча жылга киргизилгенин кайдан билсе болот?

Жооп: - Орусияда иштеген кыргыз жарандарын Орусиядагы мигранттардын "кара тизмесине" канча жылга киргизилгенин аныктоочу Кыргыз Республикасында база жок. Бул база Орусиянын Федералдык миграциялык кызматында гана бар. Эмгек, миграция жана жаштар министрлиги кайсы жаран канча жылга "кара тизмеге" киргенин билип бере албайт, себеби бул тууралуу маалыматтарды аталган мекеме ачыкка чыгарбайт. Ар бир адам өзү тууралуу маалыматты алуу үчүн аталган органга кайрылып билип алса болот.  

Суроого Кыргыз Республикасынын Эмгек, миграция жана жаштар министрлигинин маалымат кызматынан жооп беришти.

Эгер сизде да суроолор болсо, анда "Өкмөт жооп берет" бөлүмүнө кириңиз.