Кыргыздар менен дунгандардын ортосундагы уруштан улам Токмок шаардык ички иштер башкармалыгынын башчысы кызматтан алынды

Кыргыздар менен дунгандардын ортосундагы уруштан улам Токмок шаардык ички иштер башкармалыгынын башчысы Бакыт Кашкарлыков кызматтан алынды. Бул тууралуу бүгүн, 3-августта Чүй облустук ички иштер башкы башкармалыгынан билдиришти.

Маалыматка караганда, Токмок ШИИБинин жетекчиси менен бирге анын орун басары жана төрт милиция, Чүй облустук ички иштер башкы башкармалыгынын 10-бөлүмүнүн башчысы Нурлан Бектуров да кызматтарынан алынышкан.

Айта кетсек, 27-июль күнү саат 17:10 чамасында Токмоктогу “Булак” базарында кыргыз улутундагы адамдар менен дунган улутундагы адамдардын ортосунда уруш чыккан. Аларды ажыратуу үчүн ортого түшкөн милиция кызматкерлеринин бири башынан жаракат алган.