Талас облустук сотунун алдында ырчы Омардын туугандары жана тарапташтары соттун чечимин күтүп жатышат

Талас облустук соту ырчы Омардын баш коргоо чарасын карап жатат. Бул тууралуу бүгүн, 3-августта Талас облустук сотунан билдиришти.

Маалыматка караганда, соттун алдында ырчынын туугандары жана тарапташтары турушат. Алар Омардын камактан чыгышын талап кылышууда.

Айта кетсек, Омардын жактоочусу Ороз Мадымаров 30-июлда Талас райондук сотунун чечимин өзгөртүү боюнча облустук сотко кассациялык даттануу жолдонгон. Даттанууда райондук соттун чечимин өзгөртүп, ырчы Омарды үй камагына чыгаруу жөнүндө айтылган. 

Айта кетсек, ырчы Омар 27-июль күнү кармалган. Ал “Нуржанбек Токтогулов аттуу таанышы менен бирге ишкерден 40 тонна төө буурчак алып, акчасын берген эмес” деп айыпталууда. 

28-июль күнү Талас райондук соту ырчы Омардын баш коргоо чарасын карап, соттун чечиминин негизинде ал бир айга камакка алынган. Чечим чыкканда ырчынын ден соолугу начарлап, “Тез жардам” кызматы аркылуу Талас облустук ооруканасына жеткирилген.