Гурбангулы Бердымухамедов энергетика маселесинде кыргыз өлкөсүнүн президентин колдоого алды

Түркмөнстандын президенти Гурбангулы Бердымухамедов бүгүн, 5-августта президент Алмазбек Атамбаев менен жолугушууда: "Эл аралык аренада жана эл аралык уюмдардын алкагында Кыргыз Республикасы менен Түркмөнстан бири-бирине эффективдүү көмөктөшүүдө",- деп билдирди. 

Бердымухамедов дүйнөлүк аренада Түркмөнстандын демилгелерин, мунун ичинде энергетикалык коопсуздукка байланышкан сунуштарын колдоого алганы үчүн кыргыз өлкөсүнүн башчысына ыраазычылык айтты. "Сиз туура белгиледиңиз, бүгүнкү күндө бул маселе глобалдык мааниге ээ",- деди түркмөн президенти.