7-апрель окуясы боюнча жабырлануучу тергөө ишинде бурмалоо болгонун айтты

Бүгүн, 27-февралда Бишкекте 7-апрель окуясы боюнча өткөн сот ишинде жабырлануучу Амантур Мамбеткадыров тергөө ишинде анын ордуна башка бирөө кол койгонун айтты. “7-апрелде менин оң ийиниме ок тийген. Ал учурда мен жаза албайт болчумун. Абалым өтө оор эле. Мен ооруканада жатканымда тергөөчү келип менин көрсөтмөмдү жазып жаткан. Бирок ага ким кол койгонун билбейм. Мен ал көрсөтмөлөргө эч кандай кол койгон эмесмин”,- деди ал.