Ирандын түштүгүндө абанын температурасы +74°С`ге жетти

Ирандын түштүгүндөгү Хузестан аймагына караштуу Бендер-Махшехр шаарында 1-2-август күндөрү абанын температурасы +74°С`ге жетти. Өлкөдөгү синоптиктер муну рекорддук көрсөткүч деп белгилешкен. Бул тууралуу чет элдик басылмалар жазып чыгышты.

Маалыматка караганда, суу +33 градуска чейин ысыган. 4-5 күн аралыгында абанын температурасы +50°С`ден түшкөн жок. Жашоочулар бул убакта үйлөрүнөн чыгышкан эмес. 110 миң адам жашаган Бендер-Махшехрдеги Перс булуңунда жогорку нымдуулук байкалган. Бүгүн, 6-августта Бендер-Махшехрде күндүн ысышы +48°C`ге барабар болууда.

Ирандын түштүгүндөгү күндүн катуу ысышы дүйнөлүк рекордго жеткен жок. 2003-жылы Сауд Арабиянын аймактарынын биринде абанын температурасы +81°C`ге жеткени аныкталган.