Кыргыз мамлекети ЕАЭБге сабизди, картошканы жана капустаны экспорттой алат

Кыргыз мамлекети Евразиялык экономикалык биримдигине сабизди, картошканы жана капустаны экспорттоого даяр. Бул тууралуу бүгүн, 11-августта Айыл чарба жана мелиорация министрлигинин басма сөз кызматы билдирди.

Маалыматка ылайык, ашыгы менен өндүрүлгөн айыл чарба продукциялары гана экспортко чыгарылат. "Аталган жашылчалардан сырткары дыйкандар өрүктү жана алмаларды экспортко сунуштай алышат. Учурда Орусиянын Оренбург, Свердловск жана Хабаровск аймактарына жер-жемиштерди ташуу боюнча келишимдер бар. Продукцияларды экспорттоо өлкөдөгү баа саясатына таасир бербейт",- деп билдирет мекеме.