Президент Алмазбек Атамбаев Японияда бир катар жолугушууларды өткөрдү

27-февралда президент Алмазбек Атамбаев Япониядагы иш сапарынын алкагында бир катар жолугушууларды өткөрдү. Анда Япония парламентинин Төмөнкү палатасынын Тышкы байланыштар боюнча комитетинин төрагасы Катсуюки Каваи, "Комэйто" партиясынын төрагасы Нацуо Ямагучи, JICA вице-президенти Киёши Кодера менен жолугушуу болду. Сүйлөшүүлөрдө Кыргызстан менен Япониянын ортосунда түрдүү багыттар боюнча кызматташуунун келечеги, экономикалык долбоорлорду ишке ашыруу маселелери талкууланды.