Бакуда 5-кабаттан секирүүгө ниеттенген аялды офицер сактап калды

Азербайжандын Баку шаарында 5-кабаттан секирип, өзүн өзү өлтүрүүгө ниеттенген аялды сактап калышты. Бул тууралуу бүгүн, 13-августта чет өлкөлүк басылмалар жазышты.

Маалыматка ылайык, аял балкондон секиргени жатканда белгисиз жаран коңшу батирдеги айнектен балконго өтүп, айымды сактап калды. Муну көргөн көптөгөн күбөлөр кол чабуулар менен кабыл алышты. Аял "Тез жардам" кызматына тапшырылды. Аталган факт боюнча тергөө амалдары жүргүзүлүүдө.

Айымды сактап калган жаран Өзгөчө кырдаалдар министрлигинин Жарандык коргоо кызматынын офицери экени аныкталды. Окуя болгон учурда ал кызматта эмес болгондуктан, жарандык кийимчен жүргөн.