Улуттук китепканада “Жаңы конуштардагы маселелер жана перспективалар” аталышындагы тегерек стол болуп өттү

Бүгүн, 18-август күнү Бишкек шаарындагы Улуттук китепканада “Жаңы конуштардагы маселелер жана перспективалар” аталышындагы тегерек стол болуп өттү. Ага Бишкек шаарынын мэри Кубанычбек Кулматов, укук коргоочулар, өкмөт аппаратынын жана жаңы конуштардын өкүлдөрү катышышты. Анда сөз сүйлөгөн шаар мэри: “Бишкектин айланасындагы жаңы конуштарда ушул убакка чейин мыйзамдаштырылбаган 6300 турак үй бар. Бул нерсе каттоого турууда жана социалдык пакеттерди колдонууда үй ээлерине кыйынчылык жаратууда”,- деди. Ал эми Бишкек шаарынын мэриясынын Жеке турак жай куруу департаментинин жетекчиси Самарбек Болотбеков жогорудагы маселени чечүү үчүн турак үйдүн өзүн легалдаштыруу же турак үйдү легалдаштырбай каттоого алуу керек экенин айтты.