Өзгөчө кырдаалдар министри Чычкан капчыгайындагы өрт болуп жаткан жерге жөнөп кетти

Өзгөчө кырдаалдар министри Кубатбек Боронов Чычкан капчыгайындагы өрт болуп жаткан жерге жөнөп кетти. Бул тууралуу бүгүн, 19-августта аталган министрликтен билдиришти.

Учурда өрттү өчүрүү иштерине жергиликтүү тургундар жана өрт өчүрүүчүлөр тартылып, жалпысынан 500гө жакын адам иштеп жатат.

Айта кетсек, 13-август күнү саат 16:17 чамасында Бишкек-Ош унаа жолунун 251-253-чакырымдарында болжол менен 50 гектар куураган чөп жана бадалдар өрттөнгөн. 14-август күнү өрт чектелген, бирок дарактардын дүмүрлөрү чок болуп, шамал болгон сайын кайра тутанып кетүү коркунучу жаралган. Ошондон бери өрттү өчүрүү иштери жүрүүдө.