Мирбек Касымкулов: "3-октябрдагы митингде "аткыла" деген буйрукту мен бергем"

“3-октябрдагы митингде жоокерлерге "аткыла" деген буйрукту мен бергем”,- деди УКМКнын 9-кызматынын жетекчисинин орун басары Мирбек Касымкулов. Ал бул сөздү бүгүн, 28-февралда "ата журтчу" депутаттар боюнча өтүп жаткан сотто билдирди. Анын айтымында, ал митингде травматикалык куралдар колдонулган жана жерге атууга буйрук берилген. Ал эми депутат Камчыбек Ташиев тартылып алынган видеотасмаларда жоокерлер жерге эмес, элге карата ок чыгарганы көрүнүп турганын айтты.