“Мээси жетишпеген айрым милиционерлер кылмышка шектүүлөрдү ур-токмокко алышууда” дейт Нурдин Сулайманов

"Кесиптик жана адамдык сапаттары жок, мээси жетишпеген айрым милиционерлер сурак алуунун жүрүшүндө өздөрүнө керектүү көрсөтмөнү алыш үчүн кылмышка шектүүлөрдү ур-токмокко алышууда". Мындай пикирин бүгүн, 21-августта Кыйноолордун алдын алуу боюнча улуттук борборунун директорунун милдетин аткаруучу Нурдин Сулайманов билдирди.

Анын айтымында, күч түзүмдөрүнүн ушундай кызматкерлери кыйноо аракеттери менен Кыргыз Республикасынын Президентине бут тосушууда. "Өлкөнүн жетекчилиги күч түзүмдөрүндө кыйноону жана сабоону колдонуу практикасынын бар экенинен кабардар болуп, тиешелүү чараларды көрүүдө. Быйыл август айына чейин биздин борборго жалпысынан 50дөн ашуун арыз түшкөн. Алардын арасында ИИМдин, Жаза аткаруу кызматынын, психиатриялык мекемелердин кызматкерлерине карата арыздар бар",- деди Сулайманов.