Ошто "мекендештерин алдап, 260 миң доллар акчаны алып качып жүргөн" деген шек менен пакистандык жаран кармалды

Кечээ, 25-августта өткөрүлгөн ыкчам иш-чаралардын негизинде Ош шаардык ички иштер башкармалыгынын 10-бөлүмүнүн кызматкерлери тарабынан алдамчылык фактысына шектелип пакистандык жаран кармалды. Бул тууралуу Ош ОИИБинин басма сөз кызматы 26-августта билдирди.

Маалыматка караганда, Пакистандын жараны, 1988-жылы туулган А.Кхан өз мекендештерине Канада, АКШ жана Жаңы Зеландия мамлекеттерине виза жасап берем деп Ош шаарына чакырып, алдап акчасын алып жүргөн. Учурда Ош шаарында анын 17 мекендеши жана Бишкек шаарында 12 мекендеши алданып, жалпысынан 260 000 АКШ долларына зыян келтирилгени аныкталды.

Кармалган жарандын башка дагы ушул сыяктуу кылмыштарга тиешеси бар же жок экендиги иликтенүүдө. Ал Кыргыз Республикасына 2015-жылы май айында Ош шаарына бизнес-виза аркылуу келгени белгилүү болду.