Жыл башынан бери жолдорду оңдоого бюджеттен 1,1 миллиард сом бөлүндү

2015-жылы автомобиль жолдорун, жол курулмаларын оңдоого жана кароого республикалык бюджеттен 1 миллиард 913,4 миллион сом бөлүндү. Анын ичинен “имараттар жана курулмалар” беренеси боюнча 1 миллиард 766,5 миллион сом каралган. Бул тууралуу Каржы министрлигинин басма сөз кызматы 26-августта билдирди.

Бүгүнкү күнгө карата өлкөдөгү автомобиль жолдорун жана жол курулмаларын оңдоого жана кароого республикалык бюджеттен 1 миллиард 140,5 миллион сом, анын ичинен “имараттар жана курулмалар” беренеси боюнча 1 миллиард 68,5 миллион сом бөлүндү.

Каржы министрлиги КРнын Транспорт жана коммуникациялар министрлигине каражаттарды бөлөт, ал эми министрлик өз кезегинде бюджеттик каражаттарды объекттерге бөлүштүрөт.