Жаза аткаруу мамлекеттик кызматы баңгизатка каршы күрөштү күчөтүүгө көмөктөшөт

Жаза аткаруу мамлекеттик кызматынын Ыкчам режим башкы башкармалыгында бүгүн, 28-августта оперативдүү маалыматтарды анализдөө бөлүмү ачылды. Бөлүмдүн башкы милдети - өкмөттүн баңгизатка каршы күрөшүү программасынын алкагында Баңгизаттарды көзөмөлдөө мамлекеттик кызматы менен ЖАМКнын ортосундагы кызматташтыкты бекемдөө. 

ЖАМКнын аталган бөлүмүнүн башчысы Саламат Абдиев: "Жаза аткаруу мамлекеттик кызматы менен Баңгизаттарды көзөмөлдөө мамлекеттик кызматынын ыкчам-издөө топторун техникалык жабдуулар менен камсыздоо баңгизаттарды мыйзамсыз жүгүртүүгө каршы ыкчам иликтөө кызматкерлеринин маалымат алуу жана анализдөө тармагындагы потенциалын жогорулатат",- деп билдирди.