Супер-Инфо
super.kg видео
Таш-Көмүрдө кайненеси менен бирге ичимдик ичип, кийин аны өлтүрүүгө аракет кылган жаран Нарын дарыясына өзүн таштоого камынып жаткан жеринен кармалды
Таш-Көмүр шаарында кайненеси менен бирге ичимдик ичип, кийин аны өлтүрүүгө аракет кылган жаран Нарын дарыясына өзүн таштоого камынып жаткан жеринен кармалды. Бул тууралуу 1-сентябрда Жалал-Абад
ОИИБинин басма сөз кызматынан кабарлашты.
Автор: Жамалидин Парманкулов
Маалым болгондой, 24-август күнү Таш-Көмүр шаарынын 1978-жылы туулган тургуну аталган шаардын Масалиев көчөсүндөгү үйлөрдүн
биринде кайненеси менен чогуу спирт ичимдигин ичип отуруп
чырдаша кеткен. Күйөө баласы кайненесинин башына уруп, баштыктын сабы менен
муунтуп өлтүрүүгө аракет жасаган. Эс-учун жоготуп, мурдунан кан агып кеткен
кайненесин көрүп, "өлтүрүп алдым" деген ой менен үйдөн коркуп качып
кеткен.
Андан соң Нарын дарыясына барып, жардан сууга секиргени жатканда милиция кызматкерлери кармап калышкан. Ал эми жабыркаган кайненеси Таш-Көмүр шаардык ооруканасынын жандандыруу бөлүмүнө түшүп, ден соолугу калыбына келтирилгени айтылды.
Бул факт боюнча жабырлануучунун кызы өз күйөөсүнүн үстүнөн милицияга арыз жазып, учурда кылмышка шектүүнүн үстүнөн "адам өлтүрүүгө аракет жасоо" менен
кылмыш иши козголду. Таш-Көмүр ШИИБинин тергөөчүлөрү тарабынан учурда тергөө жүрүп жатат.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
17:27
2025-06-30
12:26
2025-06-30
11:56
2025-06-30
10:35
2025-06-28
Рейтинг: 
-1
-1
Ичпей эле койгулачы кыргызым