Кыргыз мамлекети менен Ирандын ортосунда 9 документке кол коюлду

Бүгүн, 5-сентябрда президент Алмазбек Атамбаев менен Ирандын президенти Хасан Роуханинин жолугушуусунун жыйынтыгында эки тараптуу бир катар документтерге кол коюлду. Алар:

- Кыргыз Республикасынын Президенти менен Иран Республикасынын Президентинин биргелешкен билдирүүсү;

- Кыргыз Республикасынын Тышкы иштер министрлиги менен Ирандын Тышкы иштер министрлигинин ортосунда эки тараптуу консультациялар жөнүндө протокол;

- Кыргыз Республикасы менен Ирандын ортосунда эркиндигинен ажыратууга соттолгон адамдарды өткөрүп берүү жөнүндө макулдашуу;

- Кыргыз Республикасынын Энергетика жана өнөр жай министрлиги менен Ирандын Энергетика министрлигинин ортосунда энергетика, гидроресурстар жана энергия тармагында кызматташуу жөнүндө меморандум;

- Кыргыз Республикасынын Айыл чарба жана мелиорация министрлиги менен Ирандын Айыл чарба министрлигинин ортосунда айыл чарба тармагында өз ара түшүнүшүү жана кызматташуу жөнүндө меморандум;

- Өлкөлөрдүн авиациялык бийликтеринин ортосунда ниеттер жөнүндө протокол;

- Ирандын телекөрсөтүү боюнча уюму менен Кыргыз Республикасынын Маданият, маалымат жана туризм министрлигинин ортосунда кызматташуу жөнүндө меморандум;

- Кыргыз Республикасынын Соода-өнөр жай палатасы менен Ирандын Соода, өнөр жай, тоо-кен өнөр жайы жана айыл чарба палатасынын ортосунда кызматташуу жөнүндө макулдашуу;

- Кыргыз Республикасынын Тышкы иштер министрлиги менен Ирандын Тышкы иштер министрлигинин ортосунда консулдук консультациялардын жыйынтыктары боюнча протокол.