Доллардын курсу кайрадан көтөрүлүп жатат

Бүгүн, 7-сентябрда өлкөдө доллардын курсу кайрадан көтөрүлдү. Бишкектеги акча алмаштыруучу жайлар 1 долларды 66 сомдон сатып алып, кайра 66 сом 50 тыйындан, еврону 72 сом 80 тыйындан сатып алып, 73 сом 20 тыйындан, ал эми рублду 95,6 тыйындан сатып алышса, 96,7 тыйындан сатып жатышат. 

20-августта да Бишкектеги акча алмаштыруучу жайларда 1 долларды сатып алуу 63 сом 20 тыйынга көтөрүлсө, сатуу 65 сом 50 тыйынга чыккан. Бирок акча алмаштыруучу жайлар еврону 68 сом 50 тыйындан сатып алып, кайра 71 сомдон сатып жатышкан эле. Андан бери орус акчасынын курсу дээрлик өзгөргөн жок (сатып алуу 93 тыйындан, сатуу 97 тыйындан болчу).